Lyrics - Yasmin Ali - Ne2abel Nas

نقابل ناس نفارق ناس وماشية الحياة عادي
حال الدنيا بيتغير ما بين الثانية والتانية هنعمل إيه
و ده جارح و ده مجروح و ده عايش على الماضي
وأحوالنا دي بتحير ولو نرضاها هتحلالنا بنزعل ليه
  
ومين الدنيا دايماله ما حدش ضامن الأيام
يا بخت اللي رضي بحاله وفرق بين حلال وحرام
سؤال وإجابته عارفينها في يوم ما نسيبها واخدين إيه
ما دام سايبينها سايبينها هنتدايق ونزعل ليه
  
دقيقة بص كده حواليك هتلقى الشمس بتنور
وبعديها في عز الليل قمر سبحانه مين صور منور ليك
تملي الأمل موجود قريب للي شايفينه
هتتفائل هتضحكلك في غمضة عين
هتلقى الدنيا ملك إيديك
  
حياتنا ساعات بنرسمها وبنجملها بالألوان
في لون نختاره يكتمها ولون يدي لحياتنا أمان
همومك بكره هتعدي ما فيش حاجة ما بتعديش
الحياة عايزاك تكون عنادي وكل ما تقوى فيها تعيش